De bon(s) fromâjo(s) afenâ(s). Du bon (de bons) fromage(s) affiné(s).

El lui fasêt de tartines de burro pués de fromâjo. Elle lui faisait des tartines de beurre et de fromage.

Lou câmyon, oy est de les frêses d'avouéc du fromâjo blanc. Dens on bol, vos betéd du fromâjo blanc, pués de frêses dessus. Le 'camion', c'est des fraises avec du fromage blanc. Dans un bol, vous mettez du fromage blanc, puis des fraises dessus.

Alor on les-y portéve un fromâjo blanc a nôf hores, pués a midi, ils balyont on côp de boche. Alors on leur portait (à ceux qui travaillaient dans les champs) un fromage blanc à neuf heures, et à midi, on donnait (ils donnent) un coup de trompe (pour qu'ils viennent manger à la ferme).

Quand on fasêt de pan, on fasêt de tâtres u fromâjo, a la crâma, a de côps a la curda, perce-que nos on fasêt de pan a tués lé vendredis. Quand on faisait du pain, on faisait (aussi) des tartes au fromage, à la crème, occasionnellement à la courge, parce qu'on faisait du pain tous les vendredis.

Ils pregnênt lo lat por fére lo fromâjo de chiévra. Balyêvênt du lat en poudra, du sé pas què, mè. Lés cabrits, ils avênt du ventro, mas pouent de vianda. Ils prenaient le lait (qui aurait pu nourrir les chevreaux) pour faire le fromage de chèvre. Ils (leur) donnaient du lait en poudre, ou je ne sais quoi. Les chevreaux avaient du ventre, mais pas beaucoup de viande.

On vat fâre la fondue. On vat copar lo fromâjo, lo pan. On va faire la fondue. On va couper le fromage, le pain.

En l'ôton, les armalyérs portâvant bâs, coment ils desant adonc, les condicions: du fruit et du burro, prod de burro! En automne les armaillis, quand ils descendaient des montages, apportaient les "conditions", comme on disait alors: du fromage et du beurre. Beaucoup de beurre!

Les frêses dens lo temps, els avênt grôs de gôt. On fromâjo pués três frêses, o feyêt un bon câmion. Autrefois, les fraises avaient beaucoup de goût. Un fromage blanc et trois fraises, ça faisait du bon "camion" (fromage blanc délayé).

Les grafos a la torquia, avouéc de purri u mèten qu'on metâve sur lo pouèlo. Les gaufres au sarrasin, avec du pourri (fromage fort) au milieu, qu'on mettait sur le poêle.

Vâ vos balyér mon fromâjo viely. Se jamés vos lo mengiéd pas tot de suita, ben fôrdrêt lo congelér... Perce-qu'u jorn d'hué pués deman, hen... Aprés je penso qu'il vat étre un pou fôrt. Je vais vous donner (de) mon fromage fort ("fromage vieux"). Si jamais vous ne le mangez pas tout de suite, et bien il faudrait le congeler... Parce qu'aujourd'hui ou demain (ce serait le mieux pour l'apprécier)... Après je pense qu'il va être un peu fort.

- On fasêt ben de fromâjo purri. - Pués on sè règalâve! - Lo passâve un petit pou dens la brâsa, por lo fére fondre, hen. - On faisait du "pourri" ("fromage fort"). - Et on se régalait! Je le passais un peu dans la braise, pour le faire fondre.

Je vuely te fére na demanda, / Enveye-mè donc du payis / Un grôs carquelyon de bevanda / Avouéc un tupin de purri. J'ai une demande à te faire, / Envoie-moi donc du pays / Un gros pichet de boisson (peu alcoolisée) / Avec un pot de "pourri" (fromage fort).

Na bèrta de fromâjo viely! Vos o mengiéd 'ment cen, ou d'av' un petit morsél de burro, donc ben d'avouéc na salâda se vos volyéd, mas enfin dens lo temps, o sè mengiêve 'ment cen-que. (C'est comme ça qu'on prépare) Une tartine de "fromage vieux" (au four)! Vous pouvez la manger comme ça (sans rien d'autre), ou avec un petit morceau de beurre, ou avec de la salade, si vous voulez, mais autrefois, ça se mangeait (juste) comme ça.

Oy avêt pertot na fromagiére sot l'avant-têt. Vos séde ce qu'oy est, na fromagiére? Partout (dans les fermes) il y avait une fromagère (cage à fromage) sous l'avant-toit. Vous savez ce que c'est, une fromagère?

Oy ére de comtât que venéve du Revèrmont? Y ére surtot d'èmentâl, qu'on fasêt dens les frutiéres. Y avêt ben de golèts. Lo comtât, y ére un petit pou ples hiôt. (Ce qu'on appelait le "gruyère" en Bresse) C'était du comté qui venait du Revermont? - C'était surtout de l'emmental, qu'on faisait dans les fromageries (de Bresse). Il y avait bien des trous de temps. Le comté, c'était (fabriqué) un peu plus haut (dans le Jura).